பிசினஸ் சீக்ரெட்ஸ்

பிசினஸில் ஜெயிப்பதற்கு முக்கியமான தேவை, சரியான ஐடியாவை சரியாக செயல்படுத்துவதுதான். ஐடியா என்பது நிழல். இந்த நிழலை நிஜமாக்கும் கலை யாரிடம் இருக்கிறதோ, அவரே பிசினஸில் ஜெயிக்கிறார்.
எந்த பிசினஸாக இருந்தாலும் வெறும் அதிர்ஷ்டத்தை மட்டுமே நம்பி செய்யாமல், அதை முறைப்படி தெரிந்துகொண்டு, அனைத்து விஷயங்களையும் ஆராய்ந்தறிந்து செய்வோம் எனில், அதில் தோல்வி என்கிற பேச்சுக்கே இடமில்லை.
ஒருவர் அடிக்கடி நிறுவனங்களை மாற்றி இருக்கிறார் எனில், ஒன்று, அவர் தனது வேலையை சரியாகச் செய்யாமல் போயிருக்கலாம். அல்லது ஒரே இடத்தில் அதிக காலம் வேலை பார்க்கும் பொறுமையோ அல்லது பொறுப்புணர்வோ அவரிடம் இல்லாமல் இருக்கலாம்.
ஊழியர்கள் என்பவர்கள் சம்பளத்துக்காக வேலை பார்க்கிறவர்கள்தான். இதற்காக அவர்களை எந்த வகையிலும் அவமரியாதை செய்யக்கூடாது. ஊழியர்களுக்கு தரவேண்டிய மரியாதையை தராமல் போனால், அவர்கள் உற்சாகம் இழப்பார்கள். இதனால் அந்த நிறுவனம் பெரிய அளவில் வெற்றிகாண முடியாமல் போகும்.
ஒரு தலைமையிடம் …பணம் …பிசினஸ் ஐடியாக்கள் ….ஊழியர்கள் இருக்கலாம்.இது எல்லாம் இருந்தும்கூட, ஒரு விஷயத்தை சரியாக செயல்படுத்தும் ஒழுங்கு இல்லை என்றால், அந்த தலைமை வெற்றுத் தலைமையாக இருக்குமே தவிர, நினைத்ததை நடத்திக் காட்டும் தலைமையாக இருக்காது.