கொரில்லா

விடுதலைப் போராட்டம் அராஜகத்தன்மை கொண்டதாக, பாஸிசமாக மாறிவிடுவதை ஜனநாயக சக்திகள் ஒருபோதும் அனுமதிக்க முடியாது. இத்தகைய எச்சரிக்கை வேண்டும் என்பதை இந்தப் புனைவைப் படித்து முடிக்கும்போது உணர்ந்துகொள்ள முடியும்.

-தெ.மதுசூதனன், இந்தியா டுடே

காலத்தை முன்பின்னாகக் குலைத்துப் போட்டு உண்மைகளை அங்கங்கே ஒளித்து வைத்து, வாசிக்கும் செயல்பாட்டை ஒரு விளையாட்டைப் போல ஆக்கியிருக்கிறது.

– ம. மதிவண்ணன், புதிய கோடாங்கி

கடந்த இருபதாண்டு ஈழத் தமிழ் இலக்கியத்தில் மிக முக்கிய நாவல். இயக்கங்கள், அரசாங்கங்கள் என்று இயந்திரகதியில் இயங்கும் ராணுவத் தளங்களுக்கு மத்தியில் தன் அடையாளங்களுக்காகப் போராடும் ஒருவனைப் பற்றிய நாவல்.

– டி.அருள்ளழிலன், ஆனந்தவிகடன்

ஈழப் போராட்டத்தை மிக மோசமாகக் கொச்சைப்படுத்திய நாவல்.

– சாருநிவேதிதா, charuonline

வாழ்வின் நிஜப் பாத்திரங்களை வைத்துக் கட்டப்பட்டிருப்பதாலேயே என்னவோ அவை வாழ்வின் பாத்திரங்களைவிட அசுர பரிமாணங்களடைந்து நிற்கின்றன. இரவல் செய்திக் கத்தரிப்புகளை வைத்து இந்த நாவலை எழுதுவது சாத்தியமே இல்லை.

– பிரம்மராஜன், அட்சரம்

பூமிப்பரப்பின் எந்த ஒரு புள்ளியிலும் நிலைகொள்ள முடியாமல் பரிதவித்து அலைய நேர்கிற மனங்கள் பற்றிய நேர்த்தியான பதிவு.

– யுவன் சந்திரசேகர், காலச்சுவடு

இது ஓர் இலக்கியப் படைப்பு மட்டுமல்ல, சமகால வலியும் வேதனையும் நிறைந்த ஒரு போராட்டச் சூழலின் பதிவும்கூட.. அந்த வகையில் கொரில்லா ஓஆவணம்.

– தளவாய்சுந்தரம், தீராநதி