சின்ன ஐடியா உங்கள் பிசினஸை உயர்த்தும்!

நம் பிசினஸில் குறைந்த செலவில் சின்னச் சின்ன ஐடியாக்களை அறிமுகம் செய்து செயல்படுத்தும்போது. அதனால் நம் பிசினஸில் ஏற்படும் விளைவுகளை நாம் நேரடியாகப் பார்க்க முடியும்.
தங்கள் தொழிலில் தொடர்ந்து புதுமைகளை அறிமுகப் படுத்துபவர்கள்தான் பிசினஸிலும் முன்னணியில் இருந்து கொண்டே இருக்கிறார்கள் என்பதை இன்றைக்கு டாப் 10 நிறுவனங்களைப் பார்த்தாலே நமக்குத் தெளிவாகப் புரியும்.
எத்தனை ஆண்டுகால பாரம்பர்ய நிறுவனமாக இருந்தாலும், இன்றைய தலைமுறையும் தேடிவந்து பயன்படுத்துகிற மாதிரி இருக்க வேண்டும். அதற்கு புதுமைகளைத் தொடர்ந்து அறிமுகப்படுத்திக்கொண்டே இருக்க வேண்டும். புதுமை படைப்பவர்களுக்கு எதிர்காலம் மட்டுமல்ல, எல்லாக் காலமும் சொந்தம்.
நாம் ஒரு விஷயத்தைச் செய்யலாமா என யோசிக்கிற வேளையில், உலகின் ஏதோ ஒரு மூலையில் அதை செயல்படுத்திக்கொண்டிருக்கிறார்கள். எனவே,எந்த ஐடியாவையும் செயல்படுத்த தயங்கக்கூடாது!
புதுமையான ஐடியாக்களை உருவாக்கப் போராட வேண்டும் என்ற அவசியம் இல்லை. வாடிக்கையாளர்களுக்கு என்ன அசௌகரியங்கள் உள்ளன என்று கண்டறிந்து, அதைச் சரிசெய்தாலே ஏராளமான புதிய ஐடியாக்கள் கிடைக்கும்.
பிரச்னைகளைப் பிரச்னைகளாகப் பார்க்காமல் அதில் வாய்ப்புகளை பார்த்தவர்கள்தான் வணிகத்தில் வெற்றி அடைகிறார்கள் என்பது பிசினஸில் ஜெயித்தவர்கள் சொல்லும் பாடம்.