ஹார்மோன் விளையாட்டு

கூடு விரிந்து கொடுத்து வெளியுலகைப் பார்க்க அனுமதித்தாலும் பறவைகளின் உரிமை விரிந்த வான்வெளியில் பறப்பதல்லவா? இவ்வளவுதான் உன் எல்லை என்று சிறகுகள் வெட்டப்படுவதும், தப்பிப் பறந்தால் ‘அதோ பார் கழுகு, ஓடி வா கூட்டுக்குள்’ என்று இழுத்து அடைத்து வைப்பதும் ஆற்றிவுடைய மனிதப் பெண்களுக்கு இன்றும் நடக்கிறது. கூட்டுக்குள் இழுக்கும் கரங்களும், வானில் மிரட்டும் கழுகுகளும் ஒரே வேலையைத்தான் செய்கின்றன என்பதைப் புரிய வைப்பதற்கு கமலியின் கட்டுரைகள் நிச்சயம் பயன்படும்.
பலியாடுகளாகவே வளர்க்கப்படும் பெண்கள் தங்களைப் பற்றி சிந்திக்க வேண்டாமா என்கிற அறம் சார்ந்த கோபத்துடன் அதே நேரத்தில் பெண்கள் மட்டுமன்றி பெண்களோடு வாழும் ஆண்களும் புரிந்துகொள்ளும்படியான மொழியில் ஒவ்வொரு கருத்தாக்கத்தையும் கட்டமைத்திருக்கிறார் கமலி.
தன் அனுபவங்களைச் சொல்லித் தேற்றும் ஒரு தோழியின் குரலில் பேசும் கமலியின் எழுத்துக்கள் படிக்கும் ஒவ்வொருவருக்கும் வெளிச்சம் வீசும் ஒரு சாளரத்தைத் திறந்து விடும்.
– அ. அருள்மொழி.

Harmone, Haarmon, Hormon
,Vilayattu, Vilaiyattu, Vilaiyaddu