மணிமேகலை

தமிழ்ப் புலமை நலத்திற் சிறந்தவரான சாத்தனாரும், புலமையும் துறவுநெறியும் ஒரு சேர இணைந்து விளங்கியவரான இளங்கோவடிகளும், உயிருய்தி பற்றிய கோட்பாடுகளில் ஆழ்ந்த புலமைச் செறிவும் தெளிவும் கொண்டு விளங்கியவர்கள். இந்த உண்மையை விளக்கும் தத்துவ நூலாகவும் மற்றும் ஒழுக்க நெறியும், அரச நெறியும், பசி போக்கும் அற மாண்பும், சிறைக் கோட்டங்களை அறக் கோட்டங்களாக மாற்றும் இன்றியமையாமையும் போன்ற பலவற்றையும் நாம் உணர்கின்றோம். இவ் வகையில் சமுதாய மேம்பாட்டை வலியுறுத்தும் நூலாகவும் மணிமேகலை மிளிர்கின்றது.