ம்

ஷோபா சக்தியின் இரண்டாவது நாவல் ‘ம்’. ஈழமக்களின் அன்றாட அகதி வாழ் அவலங்களை ஒரு கதை கேட்கும் மனோபாவத்துடன் ‘ம்…அப்புறம்’ என்ற நிலையில் வைத்திருப்பதை சாடும் கதை. கதை நிறமி என்ற அழகானப் பெயர் கொண்ட ஒரு 15 வயது சிறுமி தன் கருவைக் கலைக்க ஒரு மேலைநாட்டு மருத்துவமனையில் அமர்ந்திருப்பதில் ஆரம்பித்து அவள் தந்தை நேசக்குமாரன் தன் வரலாற்றை ஒரு சிறையிலிருந்து எழுதுவதாக அமைகிறது.

இந்த நாவலின் கட்டமைப்பு மிகவும் நுட்பமானது. இருபத்தைந்து ஆண்டுகால ஈழத்து அரசியல் சமூக சரித்திரமும் அதை ஒட்டிய புலம்பெயர் வாழ்வியல்களும் இந்தச் சிறிய நாவலில் அதன் எல்லா முரண்பாடுகளோடும் உக்கிரமாக எழுதப்படுகிறது.

– மனுஷ்யபுத்திரன்- இந்தியா டுடே

யதார்த்த நிகழ்வொன்றின் அலுக்காத கதையாக இது பிரமாதமாய் வார்க்கப்பட்டிருக்கிறது

– தேவகாந்தன் காலம்

எதுவும் சொல்ல முடியாத மௌனமே வாசிப்பின் முடிவில் மனதை நிறைக்கிறது.

– ச. தமிழ்ச்செல்வன் – புத்தகம் பேசுது

ஒரு தனிமனிதன் யுத்தத்தின்பிடியில் சிக்கும்போது எப்படி நசுக்கப்படுகிறான் என்பது அழுத்தமாகப் பதிவு செய்யப் பட்டிருக்கிறது.

– ஆனந்தவிகடன்

துயரங்களும், அவமானங்களும், வலிகளும் நிறைந்த வரிகளுக்கிடையே அவரால் எல்லாவற்றையும் இயல்பாக கேலி செய்துகொண்டும் போக முடிகிறது என்பதுதான் ஷோபாசக்தியிடம் நாம் காணும் வசீகரம்.

– ஜீ.முருகன்

M, Mm, Mmm, Hm, Hmm, Hmmm, Novel, Eezham, War, BOX, Shoba Sakthi, Karuppu Pirathigal